Text: Robert Burns
Music: Old Scottish AIr
Arrangement: Stuart Calvert
Published: Gordon V. Thompson Music, a division of Warner-Chappell Music

Soprano: Laura Lynn Rose
Mezzo: Julie Bailey
Alto: Jennifer Kujawski

Ye banks and braes o’ bonnie Doon,
How can ye bloom sae fresh and fair?
How can ye chant, ye little birds,
And I sae weary, fu’ o’ care?
Ye’ll break my heart, ye warbling birds
That wanton through the flow’ry thorn.
Ye mind me o’ departed joys,
Departed, never to return.

Oft’ hae I rov’d by bonnie Doon
To see the rose and woodbine twine,
And ilka bird sang o’ its love,
And fondly, sae did I o’ mine.
Wi’ lightsome heart I pu’d a rose,
Fu’ sweet upon its thorny tree.
And my fause lover stole my rose,
But, Oh! He left the thorn wi’ me!